Ndërkohë që Dhoma e Përfaqësuesve në SHBA pritet të votojë për të ndaluar importet e naftës nga Rusia, një dekret i nënshkruar sot nga presidenti rus Vladimir Putin mandaton qeverinë ruse të hartojë brenda dy javësh një listë të vendeve që duhet t’ u ndalohen importet dhe eksportet nga Rusia.
Agjenci e lajmeve Tass raporton se këto lëvizje të presidentit Putin për të ndaluar eksportet dhe importet bëhet me qëllim “për të mbrojtur sigurinë e Rusisë”.
Ndërkohë sipas Interfax, ndalimi do të prekë produktet e gatshme dhe lëndët e para.
Më herët Shtetet e Bashkuara të Amerikës vendosin embargo totale ndaj naftës, gazit dhe qymyrit të Rusisë. Ndërkohë, Bashkimi Europian prezantoi planin për ndërprerje të varësisë nga gazi rus.
