Me qindra apo mijëra qytetarë që dolën këtë të mërkurë në protestë për rritjen e çmimit të naftës para kryeministrisë, janë zhvendosur tashmë në Unazë.
Ata kanë bllokuar totalisht qarkullimin në një prej rrugëve më me trafik, duke krijuar radhë të gjatë.
Qytetarët kërkojnë reflektim të qeverisë për të marrë masa për uljen e çmimit të naftës. Të mërkurën, nafta në Shqipëri arriti në 260 lekë për litër. Qytetarët arritën të organizohen në rrjetet sociale, ndërsa vijojnë ende protestën që prej orës 17:00.
