Kryeministri i Shqipërisë, Edi Rama pas protestës së ditës së djeshme me anë të një postimi në median sociale Facebook, ka ftuar qytetarët në një diskutim të përbashkët për krizën e energjisë dhe rritjen e çmimeve.
“Le të dëgjojmë njeri-tjetrin. Për te folur mbi “ Krizën ndërkombëtare të energjisë dhe impaktin e luftës mbi naftën”, ka shkruar Rama.
Ky bashkëbisedim mbi “Krizën ndërkombëtare të energjisë dhe impaktit të luftës mbi naftën” vjen një ditë pas protestave të organizuara nga Shoqëria Civile.
Qindra qytetarë, aktivistë, artistë janë bashkuar pasditen e 9 marsit për të ngritur zërin kundër kësaj rritjeje, duke i kërkuar qeverisë të ndërhyjë dhe të përmirësojë politikat rregullatorë.
Ndërkaq protestuesit kanë theksuar se protesta nuk do të ndalet dhe të tjera priten në ditët në vijim. Sërish ata njoftuan për protestë të enjten më 10 mars në orën 17:00, ndërsa bënë thirrje që në mesditë në orën 15:00 të fiken makinat.
