Kryeministri i Kosovës, Albin Kurti, ka vizituar fabrikën e vajit ushqimor “Floil”, në Gjilan ku u takua me pronarin e kësaj fabrike, Berat Mustafa.
Kurti ishte i shoqëruar nga ministrat e kabinetit të tij, ndërsa arsyeja e kësaj vizite është rritja e çmimit të vajit në Kosovë.
Pronari i kësaj fabrike, duke iu përgjigjur interesimit të kryeministrit Kurti, ka thënë se si pasojë e luftës në Ukrainë, rritet çmimi i vajit, pasi nga ky shtet importohet lënda e parë e vajit.
“Kryesisht kemi pasur nga vendet tjera, po edhe nga Ukraina dhe tani atje është luftë dhe e ka ndalë Ukraina dhe po na njoftojnë se edhe Bullgaria e ka ndalë për shkak të mungesës në treg. Se Rusia është shteti i dytë i prodhimit të vajit të lulediellit, dhe këto dy shtete që janë në luftë, nuk ka vaj të mjaftueshëm dhe ka rritje të çmimit”, tha Mustafa.
