Përfaqësuesi i Lartë i Bashkimit Evropian Josep Borrell është takuar me ministren për Evropën dhe Punët e Jashtme në Shqipëri Olta Xhaçka.
Borrell ka ndarë në Twitter një foto nga takimi me Xhaçkën duke vlerësuar rolin e Shqipërisë gjatë luftës në Ukrainë.
Ai ka treguar se këto hapa shërbejnë në mbrojtjen e rendit ndërkombëtar në përputhje edhe me rolin e Shqipërisë si anëtare e KS në OKB.
“Falënderova Olta Xhaçken për vazhdimin e harmonizimit të Shqipërisë me politikën e përbashkët të Jashtme mes Shqipërisë dhe BE-së.
Shqipëria ka ndërmarrë veprime që nga dita e parë e pushtimit rus në Ukrainë duke mbrojtur rendin ndërkombëtar si anëtare e Këshillit të Sigurimit në Kombet e Bashkuara”, shkruan ai.
I thanked @xhacka_olta for Albania’s continued 100% alignment to the EU’s Common Foreign and Security Policy.
— Josep Borrell Fontelles (@JosepBorrellF) March 15, 2022
Albania has taken action from the first day of #Russia’s invasion of #Ukraine defending the international order as member of the @UN Security Council. pic.twitter.com/d2zwxMnKTR
