Policia e Kosovës arrestoi dy të dyshuar në Prishtinë, pasi kanë tentuar t’i përplasin me makinë zyrtarët policorë në rroba civile, e më pas njëri nga të dyshuarit ka shtënë edhe me armë zjarri në drejtim të policëve.
Rasti ka ndodhur në lagjen “Kodra e Trimave” në Prishtinë.
Siç bëhet e ditur në raportin 24-orësh të Policisë së Kosovës, zyrtarët policorë i janë përgjigjur me të shtëna në drejtim të dyshuarit.
Zyrtarët policorë kanë marrë trajtim mjekësor, ndërsa në vendin e ngjarjes është gjetur dhe konfiskuar një pistolete me gjashtë fishekë.
Të dyshuarit me vendim të prokurorit janë dërguar në paraburgim.
