Presidenti ukrainas Volodymyr Zelensky, ka thënë sot se pilotët e Forcave Ajrore ruse që operojnë në vendin e tij do të përballen me drejtësinë dhe do të mbajnë përgjegjësi. Gjithashtu theksoi se bisedimet e paqes me Rusinë për t’i dhënë fund luftës ishin të vështira dhe ndonjëherë të shënuara nga konfrontime intensive, por shtoi se “ne po ecim përpara hap pas hapi”.
“Ju do të paguani për këtë që po bëni, në një mënyrë ose në një tjetër. Sot apo nesër, nuk ka shumë rëndësi. E rëndësishme është që është e pashmangshme. Kjo do t’i ndodhë kujtdo që vret njerëzit tanë, njerëzit tanë paqësorë në vendin tonë paqësor. Pilotët rusë nuk duket se e kuptojnë rëndësinë e urdhrave që ata kryejnë. Vrasja e civilëve është një krim,”-tha Zelensky. Qeveria ukrainase pretendon se forcat e saj kanë rrëzuar rreth 100 luftëtarë dhe bombardues rusë që nga fillimi i pushtimit, të cilin Kremlini e quan një “operacion special ushtarak”, pothuajse katër javë më parë.
