Drejtori i Entit Shtetëror për Statistika në Maqedoni ka publikuar rezultatet nga regjistrimi i fundit për popullsinë. Shqiptarët rezidentë janë 24.3% dhe jo rezidentë 29.52%.
“Popullata është 2.197 319 persona, popullata rezidentë është 1.836 713 persona. Popullata jorezidente.
Nga numri i përgjithshëm i popullsisë rezidente të regjistruar, 58,44% e qytetarëve janë deklaruar si maqedonas, 24,3% si shqiptarë, 3,86% si turq, 2,53 si romë, 0,94% si vlleh dhe 0,87% si boshnjakë” tha ai.
Apostol Simovski tha se procesi i regjistrimit është mbyllur me profesionalizëm. Numri total i popullsisë, bashkë me atë jorezidente apo diasporën është 2.1 milionë.
“54,21% janë maqedonas, 29,52 për qind janë shqiptarë, 3.98 si turq, 2.34 si romë, 1,18 për qind si serbë, 0,87 si boshnjak dhe 0,44 si vlleh” tha ai.
Në censusin e bërë në vitin 2002 Maqedonia numëronte afër 2 milionë banorë, prej tyre rreth 25% e popullsisë ishte shqiptare.
