Sot kanë dalë përpara gjykatës së Elbasanit dy mjekët dhe infermieri i arrestuar për mjekimin e Nuredin Dumanit në fshehtësi duke mos e kallëzuar të shumëkërkuarin, i cili ishte plagosur pas përplasjes me armë në Elbasan, ku shkoi t’i bënte atentat Talo Çelës, por mbeti vetë i plagosur.
Gjykata vendosi masën e sigurisë arrest shtëpie për dy mjekët Bledi Bërdalli dhe Julian Malaj dhe detyrim paraqitje për infermierin Ermal Gjeci.
Mjekët akuzohen për moskallëzim krimi, pasi nuk raportuan në polici se kishin mjekuar të shumëkrkuarin. Në deklarimet e tyre ata kanë thënë se nuk e njihnin atë dhe as kishin dijeni për të shkuarën e Dumanit.
