Një grua e moshuar 82-vjeçe ndërroi jetë paraditen e sotme në spitalin e Traumës në Tiranë si pasojë e një aksidenti në orët e para të mëngjesit në Fushë Krujë. Pavarësisht ndihmës së shpejtë dhe përpjekjes së mjekëve, e moshuara ndërroi jetë.
Në spital po marrin mjekim një grua bashkë me dy fëmijët e saj të mitur 5 dhe 6 vjeç dhe një djalë i ri. Pesë personat po udhëtonin mëngjesin e sotëm nga Fushë Kruja për në Tiranë, por makina e tyre si pasojë shpejtësisë dhe lagështirës në rrugë përfundoi në një kanal.
