Dalin pamjet e makinës tip “Land Rover” që po drejtonte Iljaz Çali 37-vjeç në momentin që u ekzekutua mbrëmjen e djeshme në kthesën e Rinasit.
Ende nuk dihet nëse ishte vetëm apo i shoqëruar nga dikush tjetër në makinë, por dera e pasagjerit u gjet e hapur. Sikur duket në foto makina është qëlluar nga të katërta anët.
Fillimisht biznesmeni i kromit është qëlluar paralel në krahun e shoferit dhe më pas nga pas, ku dallohen qartë shenjat e plumbave.
Gjithashtu edhe gomat e makinës janë çarë. Autorët zbrazën kallashin pa mëshirë për t’u siguruar që shënjestra nuk do të shpëtonte. Deri mesditën e sotme nuk ka asnjë të arrestuar.
