Iljaz Çali nga Vlora u vra sonte në një atentat në kthesën e Rinasit në Tiranë. Ai po udhëtonte me një makinë “Land Rover” me targë “AB 988 AS” kur killerat e “sharruan” me breshëri kallashi.
“5pyetjet.al” solli pamjet nga vendi i ngjarjes dhe dëshmitë e para të banorëve që dëgjuan krismat.
Gjithashtu një burim nga grupi hetimor tha se makina me të cilën po lëvizte objektivi ishte marrë me qira dhe personi që figuron se e ka ende me letra, Hekuran Xhixha nga Fushë Kruja e ka shitur pak kohë më parë.
Përpos autorëve, dilema e grupit hetimor është nëse viktima po udhëtonte i vetëm. Ai është gjetur i shtrirë jashtë makinës dhe dera e pasme hapur duke ngritur dyshime.
Policia ka ngritur pika kontrolli. Grupi hetimor po punon për sqarimin e plotë të rrethanave të ngjarjes dhe për fiksimin e çdo prove të vlefshme që mund të çojë në identifikimin e autorëve.
