Deputetja e Partisë Demokratike, Jorida Tabaku, ish-kryetare e komisionit hetimor parlamentar të inceneratorëve i ka bërë sërish thirrje SPAK-ut që të veprojë për të kthyer sundimin e ligjit. Tabaku e ka vënë theksin këtë herë tek inceneratori i Tiranës.
“Ndërsa shqiptarët mësojnë përditë e më shumë për aferën 430 mln € të inceneratorëve shumë kush pyet për Tiranën. Nuk janë gabim! As mendojnë gabim! Pasi faktet që mund ti ndiqni më video flasin vetë.
Erion Veliaj ka qenë në dijeni të projektit, kurrë nuk lajmëroi Këshillin Bashkiak dhe orkestroi me Grupin e Strukturuar Kriminal vjedhjen e mbi 330 mln eurove në aferën e inceneratorit të Tiranës.
Shqipëria sot është në një krizë të thellë ekonomike, paguan sot e kësaj dite inflacionin sepse kontrata është stisur kështu.
Një kontratë e tillë që merr nga taksat e shqiptarëve për një incenerator inekzistent flet vetë. Ndaj SPAK duhet të veprojë për të kthyer sundimin e Ligjit” shkruan deputetja.
