Alexander Lukashenko do të vizitojë presidentin rus Vladimir Putin më 12 prill për të festuar Ditën e Astronautikës, ku do të diskutohet edhe për Ukrainën.
Lajmi është raportuar nga mediat ruse duke cituar sekretarin e shtypit të Putin-it, Dmitry Peskov.
Më 12 prill, Putin dhe Lukashenko do të mbërrijnë në portin kozmik Vostochny dhe do të vlerësojnë ecurinë e ndërtimit të tij.
Porti hapësinor ndodhet në Lindjen e Largët në rajonin Amur.
Pas kësaj ata do të japin një konferencë për shtyp.
“Sigurisht, gazetarët kanë grumbulluar shumë pyetje për Putin-in dhe Lukashenkon. Ata do të flasin edhe për situatën në Ukrainë. Bjellorusia do të donte të ishte një nga garantuesit e sigurisë dhe Moska e mbështet këtë ide”, shtoi Peskov.
