Ylli Ndroqi është biznesmen dhe pronari i mediatik Yldon Media, që përfshin dy televizione kombëtare, RTV Ora News dhe Channel 1, si dhe një radio informative.
Atij ju sekuestrua pasuria nga qeveria shqiptare në vitet 2020 dhe 2021 për veprimtari të mëparshme kriminale. Ndroqi ka shfrytëzuar mediat që më parë kanë qenë nën kontrollin e tij për të zhvatur dhe shantazhuar qytetarë shqiptarë nëpërmjet kërkesave për para dhe blerjeve të reklamave në këmbim të mospublikimit të artikujve negativë në media.
Ndërkohë që në vitin 2012 ai u emërua si konsull nderi në Shqipëri nga Shtetet e Meksikës.
“Ylli Ndroqi përcaktohet i papëlqyeshëm nga SHBA në bazë të E.O. 14033 sepse ka qenë përgjegjës ose bashkëpunëtor në ose për përfshirje të drejtpërdrejtë ose të tërthortë në korrupsion lidhur me Ballkanin Perëndimor, përfshi korrupsionin nga, në emër të, ose të lidhur me një qeveri në Ballkanin Perëndimor, apo një zyrtar aktual ose të kaluar qeverie, në çfarëdo niveli të qeverisjes në Ballkanin Perëndimor, siç është përvetësimi i pronave publike, shpronësimi i pronave private për përfitime personale ose qëllime politike, apo ryshfete,” ka njoftuar Ambasada e SHBA-ve.
