Ambasadori gjerman Peter Zingraf u shpreh sot se shpreson se do të gjendet një zgjidhje e përshtatshme për situatën ku ndodhet partia Demokratike.
I pyetur nëse Gjermania do të ulet në një tryezë me Sali Berishën, një person i shpallur “non grata”, ambasadori u shpreh “Një opozitë e fuqishme i shërben veprimtarisë kontrolluese kundrejt qeverisë dhe zgjedhësve, shpresoj që PD të rigjejë veten, dhe të bëhet një parti efektive, pasi zgjedhjet e ardhshme janë në derë.
Ne do të kishim dëshirë që të zhvilloheshin procese transparente brenda për brenda PD-së, shpresojmë shumë që të gjendet një zgjidhje politike sa më e përshtatshme.
Unë mendoj që partia ka nevojë për një udhëheqje të orientuar drejt së ardhmes, do të ishte më e vendit nëse do të flisnim për përmbajtjen dhe jo për personat e caktuar” tha ai.
E ndërsa SHBA e shpalli “non grata” Sali Berishën, BE nuk është bashkuar me sanksionet.
