Presidenti Ilir Meta i cilësoi banale thirrjet e Edi Ramës dhe Lulzim Bashës për të hetuar Sali Berishën. Ai tha se kryeministri Edi Rama kërkon drejtësi me regji dhe i kujtoi se nëse ka prova le t’i çojë në SPAK.
“Nuk kam dëshirë të merrem me cështje të cilat unë i konsideroj banale dhe të cilat tregojnë edhe një raport shumë të vjetër mes politikës dhe drejtësisë, aq më tepër kur vij nga ajo politikë që do të sillte drejtësinë e re dhe aq të ëndërruar.
Cdo politikan kur ka fakte dhe vepra konkrete të shpërdorimit të detyrës, i çon në institucionet e drejtësisë.
Përpjekja për t’i dhënë udhëzime nga kongresi i partisë institucioneve të drejtësisë deri ku e kanë kufirin dhe si duhet të bëjnë drejtësi me regji janë të dëshpëruara për të shmangur përgjegjësinë nga kapja e shtetit” tha ai.
