Ish-ministri i Brendshëm Saimir Tahiri dhe ish-drejtori i policisë së Vlorës, Jaeld Çela kanë depozituar në Gjykatën e Lartë rekursin për vendimin e Apelit të Posaçëm duke kundërshtuar dënimet. Saimir Tahiri u dënua me 3.4 vite burg dhe po i vuan pas hekurave në Fier.
Por, edhe SPAK-u nuk është i kënaqur me vendimin e Apelit dhe për këtë arsye depozitoi në Gjykatën e Lartë rekursin duke kërkuar dënim më të rëndë për ish-ministrin, për të gjitha akuzat dhe jo vetëm për shpërdorim detyre, por edhe trafik droge dhe grup të strukturuar kriminal.
