Guvernatori rajonal i Kharkiv-it, Oleh Synehubov, thotë se bombardimet e rënda ruse të qytetit të dytë të Ukrainës, Kharkiv-it kanë vrarë dy persona dhe kanë plagosur 19 të tjerë.
Një magazinë për mallra çeliku mori flakë dhe disa makina u shkatërruan gjithashtu në sulmin në zonat civile, thonë raportet nga qyteti.
Gati dy muaj granatime ruse tashmë kanë dëmtuar rëndë infrastrukturën e Kharkiv. Qyteti industrial verilindor shtrihet 42 km (26 milje) nga kufiri rus. Shumica e banorëve të saj përdorin rusishten si gjuhë të parë.
Në postimin e tij në Telegram, guvernatori Synehubov tha se forcat ukrainase duke kundërsulmuar në veri të qytetit i dëbuan trupat ruse nga tre fshatra – Bezruki, Slatine dhe Prudyanka.
