Dy persona nga qyteti i Vlorës janë konfliktuar mes tyre dhe si shkak i sherrit njëri prej tyre ka përfunduar në Spitalin e Trumës në Tiranën, si shkak i plagëve të marra.
Nga policia është mësuar se 69-vjeçari është plagosur me mjete prerëse në trup. Autori, 54 vjeç, banues në lagjen ‘1 Maji’ në Vlorë, është vënë në pranga nga policia dhe do të akuzohet për veprat penale “Kanosja”, “Plagosja e rëndë me dashje”.
“Specialistët e Hetimit të Krimit në Komisariatin e Policisë Vlorë arrestuan në flagrancë për veprat penale “Kanosja”, “Plagosja e rëndë me dashje”, shtetasin K. H., 54 vjeç, banues në lagjen “1 Maji”, Vlorë , pasi gjatë një konflikti të çastit ka kanosur me mjet prerës, e më pas ka shtyrë me forcë, shtetasin F. H., 69 vjeç, i cili ka pësuar dëmtime dhe ndodhet i shtruar në Spitalin e Traumës Tiranë, jashtë rrezikut për jetën. Materialet i kaluan Prokurorisë, për veprime të mëtejshme,” ka njoftuar policia.
