Pas trazirave në Sudanin Perëndimor, kanë humbur jetën 201 persona dhe janë plagosur 98 të tjerë.
Nuk dihet ende se cili ishte shkaku i kësaj dhune.
Shoqata Humanitare Norvegjeze e Këshillit të Refugjatëve (NRC) deklaroi se dhjetëra mijëra njerëz janë zhvendosur për shkak të trazirave.
Këto shpërthyen në Al Kuraynik të premten dhe u shtrinë në Al Genein, kryeqyteti i Darfurit Perëndimor, një nga pesë provincat në të gjithë rajonin e Darfurit.
Sipas disa raportimeve, mund të ketë përplasje mes nomadëve dhe fermerëve për ujin dhe zonat e kullotave.
Raporte të tjera përmendin një sulm nga Forcat e Mbështetjes së Shpejtë, një milici e njohur dikur si Janjaëeed, si arsye të mundshme.
Përfaqësuesi i Lartë i OKB-së për Sudanin Volker Perthes ka bërë thirrje për një hetim të pavarur mbi shkaqet e dhunës.
Përveç Darfurit Perëndimor, dhunë është raportuar në muajt e fundit në provincat fqinje të Darfurit Verior dhe Jugor.
Shoqatat humanitare vlerësojnë se deri në 18 milionë njerëz mund të preken nga mungesa e ushqimit deri në shtato
