Sot rikthehet debati në PD. Grupi parlamentar do të mblidhet për të diskutuar për krizën e brendshme dhe presidentin e ri.
Në kushtet kur Sali Berisha dhe “Rithemelimi” nuk e njohin më Enkelejd Alibeajn si kryetar grupi, ky i fundit kërkon që opozitë të japë propozimin e saj për kreun e ri të shtetit dhe jo t’i ikë procesit duke e bojkotuar, por ish-kryeministri është kategorik.
E ndërsa u duk se dorëheqja e Lulzim Bashës dhe vendimi i shkallës së parë që njohu grupin e Rithemelimit si organin drejtues të PD-së edo të sillte qetësi në selinë blu, ndodhi e kundërta.
Lëvizja e Enkelejd Alibeajt për të ankimuar vendimin e shkallës së parë, problemet në bazë me zgjedhjet e reja në prag të kuvendit të 30 prillit, divergjencat e forta brenda grupit dhe përplasja me Amerikën e kanë bërë partinë më të madhe në opozitë më të dobët se kurrë.
