Në Kosovë vazhdon qarkullimi i kartmonedhave të falsifikuara, kryesisht 100 euro.
Një rast i tillë është raportuar dje në Rrugën Enver Maloku në Prishtinë. Denoncuesi ka njoftuar policinë se teksa ka qenë duke punuar në një kioskë ka marrë një kartëmonedhë 100 euro të falsifikuar, që u konfiskua.
Po ashtu në Prishtinë dje rreth orës 10:00 një punëtore e një banke ka raportuar se gjatë kontrollit të parave të depozituara gjeti dy kartëmonedha, njëra 100 euro dhe tjetra 20 euro, të falsifikuara. Policia bën të ditur se kartmonedhat e dyshuara janë konfiskuar.
