Efektivi i forcave “Delta” në Vlorë Lisjan Myrtaj është liruar nga burgu dhe do të hetohet në gjendje të lire.
Ai u përplas me armë zjarri pak ditë më parë me Juxhin Aliaj, djalin e kryeplakut të Kaninës dhe mësohet se sherri ka nisur pikërisht për të dashurën e këtij të fundit.
Efektivi është shprehur se ka patur më parë një debat me Juxhin Todi (Aliaj) e se sapo e kishte parë e ndaloi pranë banesës së tij, i ka drejtuar armën duke e ofenduar dhe e ka shkrepur dy herë. Sipas tij kjo ka bërë që ai të reagojë për vetëmbrojtje duke goditur në drejtim të makinës.
Gjyqtari Enkel Peza, pas shqyrtimit të dosjes penale caktoi ndaj Lisjan Myrtaj masën e sigurisë “Detyrim paraqitjeje”.
