Sot është dita e dytë e protestës së banorëve të fshatit Rinas.
Në nisje të tubimit, kryeplaku Sabah Muja tha se ka marrë premtimin se rruga do të bëhet me dy sense nga Ahmetaqi deri te rrethrrotullimi, por banorët s’u besojnë fjalëve.
“Presim deri nesër. Ne nuk kemi dalë shamatë. Po presim. Nga dje te protesta nuk ka ardhur askush për t’u interesuar. Morën votat dhe ikën. Na shoqëruan në polici, nuk kemi pasur problem të madh.
Fjalët e kryeplakut? Ku ka besim me këta, cfarë janë këto budallallëqe? Dua të shoh letrën” thanë disa prej banorëve.
Por cfarë ndodhi?
Banorët e Rinasit u ngritën në protestë, pasi prej datës 1 maj rruga drejt aeroportit u bë vetëm me një sens lëvizje me argumentin e fluksit duke bllokuar banorët e fshatit që detyrohen që të bëjnë qindra kilometra për të shkuar në shtëpitë e tyre, punë dhe fëmijët në shkollë, pasi shteti i cilëson kundravajtje.
