Vladimir Putin ka nënshkruar një dekret për sanksione ekonomike hakmarrëse në përgjigje të “veprimeve jomiqësore të disa shteteve të huaja dhe organizatave ndërkombëtare”.
Sanksione të ashpra janë vendosur ndaj firmave ruse dhe atyre të lidhura me Kremlinin lidhur me pushtimin e Ukrainës nga Moska, i cili filloi në fund të shkurtit.
Sipas dekretit, Rusia do të ndalojë eksportin e produkteve dhe lëndëve të para për njerëzit dhe subjektet që ka sanksionuar.
Dekreti gjithashtu ndalon transaksionet me individë dhe kompani të huaja të goditura nga sanksionet hakmarrëse të Rusisë dhe i lejon palët ruse të mos përmbushin detyrimet ndaj tyre.
