Enkelejd Alibeaj, kryetari i grupit parlamentar i PD, pas mbledhjes së kësaj të enjteje të deputetëve demokratë, u pyet edhe për procesin e zgjedhjes së presidentit të ri.
Gazetarët e pyetën atë se çfarë do të kërkojë ai në këtë proces, duke theksuar më pas se mund të kërkojë edhe të propozojë emrin për presidentin e ri.
“Një nga propozimet që mund të bëjë unë mund të jetë që propozimin ta bëjë grupi parlamentar i PD”, tha Alibeaj.
Sa i përket mungesës së një pjese të madhe të deputetëve të PD në mbledhjen e kësaj të enjteje të grupit, ai tha se grupin nuk e sheh si çështje numrash. “Unë besoj se deputetët e PD e kanë dinjitetin, identitetin, kurajën për të mbajtur qëndrime të qarta për ato çështje të nxehta. Unë nuk e konsideroj grupin parlamentar si çështje numrash”, tha Alibeaj.