Eksperti i IT-së, Gent Progni, ka denoncuar se është dhunuar gjatë shoqërimit dhe arrestimit të tij pas protestës para Parlamentit, duke folur nga ambientet e Komisariatit nr. 3 në Tiranë.
Në një video të publikuar, ai pretendon se është goditur edhe pasi ishte i prangosur dhe pa bërë rezistencë, duke përmendur sipas tij persona që shoqëronin ministrin Ulsi Manja dhe një punonjës të një kompanie private sigurie.
“S’kemi bërë asnjë rezistencë edhe kur më arrestuan me pranga, më kanë qëlluar me shkelma nga prapa”, dëgjohet të thotë ai, ndërsa shton se është proceduar për prishje të qetësisë publike dhe dëmtim prone.
