Një person është vënë në pranga pasi ka sulmuar dy efektivë të policisë në Kaçanik. Sipas një komunikate për media, Policia e Kosovës bën të ditur se agresori ishte arratisur nga burgu dy muaj më parë.
“Policia në Kaçanik nga Drejtoria Rajonale e Policisë në Ferizaj, sot rreth orës 15:20, në rrugë, në fshatin Biçec të Kaçanikut, kanë identifikuar dhe arrestuar personin e kërkuar me inicialet N.H ( M/K) i moshës 33 vjeçare, i cili dy muaj më parë ishte arratisur nga burgu i Smrekonicës”, thuhet në njoftimin e policisë.
Dy zyrtarët policorë të sulmuar kanë marrë trajtimin mjekësor, pasi i dyshuari në përpjekje për të ikur u kishte shkaktuar lëndime trupore.
“Gjatë arrestimit të tij, në përpjekje për të ikur, i dyshuari ka sulmuar dy zyrtarët policorë, duke u shkaktuar lëndime trupore, të cilët më pas kanë pranuar tretman mjekësor në Qendrën Emergjente në Ferizaj. Tretman mjekësor ka pranuar edhe i dyshuari”, vijon njoftimi.
Më 7 mars të vitit 2022, 33-vjeçari ishte arratisur nga Qendra Koorektuese në Smrekonicë.
