Multimilarderi, Elon Musk, i cili ka blerë së fundmi Twitter-in është shprehur se mund të rikthej sërish ish-presidentin Trump.
Ai ka thënë se rikthimi i Trump sërish në platformën sociale do bëhet i mundur pas mbylljes së marrëveshjes.
“Ndalimet e përhershme duhet të jenë jashtëzakonisht të rralla dhe me të vërtetë të rezervuara për llogaritë që janë robotë, ose mashtruese, llogari të padëshiruara… Unë mendoj se nuk ishte korrekte të ndalohej Donald Trump”, tha Musk.
Twitter e pezulloi përgjithmonë Trumpin nga platforma në janar 2021 pas sulmit nga mbështetësit e tij në Kapitolin e SHBA. Kompania tha se e mori vendimin pas trazirave të 6 janarit “për shkak të rrezikut të nxitjes së mëtejshme të dhunës”. Trump ishte një tweeter i zjarrtë dhe në atë kohë kishte më shumë se 80 milionë ndjekës në platformë.
