Ish-kryeministri Sali Berisha në fushatën elektorale në Fier, ka premtuar se vendimi i parë sa të vijë PD-ja në pushet është që do të kompensohen sipas çmimit të tregut të gjithë pronarët që u është “grabitur” toka nga shteti.
“Vendimi i parë që do të marrim sa të vijmë në pushtet është që të rikthehet prona tek pronari. Aty ku nuk ekziston mundësia pronarët do të shpërblehet me çmimin e tregut, pa asnjë diskutim. Ky është qëndrim jonë i prerë dhe i padiskutueshëm.
I qëndrojmë plotësisht dhe kjo është pjesë kryesore e programit tonë. Ky popull ka nevojë të konsolidojë pronën që njerëzit të lidhen më shumë me këtë vend. Kjo është e ardhmja jonë. Pronën ne e kemi pjesë parësore të programit tonë”, tha Berisha.
