Gjykata e Posaçme e Apelit ka lënë në burg ish-deputetin e PS, Alqi Bllako.
Në kërkesën e tij, ish-deputeti pretendoi se nuk ka prova, për fajësinë e tij, po ashtu se nuk është i rrezikshëm dhe nuk i shmanget hetimit nga SPAK.
Por Apeli ka vendosur që të rrëzojë kërkesën duke e lënë pas hekurave.
“Nuk kam lidhje me shpronësimin. Kam bërë vetëm transferimin e praktikës.
Në kohën që babai im ka qenë i punësuar te inceneratori i Tiranës (drejtor i kantierit) unë kam qenë në Presidencë, sekretar i përgjithshëm dhe nuk kam pasur mundësi për të ndikuar” është shprehur ai.
Bllako u arrestua dhe është lënë në qeli pasi dyshohet se ka përfituar rreth 15 milionë Lekë për shkelje në procedurën e dhënies së koncesionit për ndërtimin e inceneratorit të Fierit.
Pas hekurave për këtë dosje ndodhet edhe ish-ministri Lefter Koka.
