Prokuroria e Posaçme kundër Korrupsionit dhe Krimit të Organizuar (SPAK) ka dhënë pretencën për dy të pandehur të akuzuar për “korrupsion aktiv në zgjedhje”, kryer në bashkëpunim, në lidhje me blerjen e votave në favor të PSD në Kukës.
Sipas SPAK, Kolosh Peposhi dhe Gazmend Peposhi kanë premtuar dhe shpërndarë shuma parash me qëllim orientimin e votës për kandidatin e PSD në këtë qark.
Për Kolosh Peposhin, i arrestuar, prokuroria ka kërkuar dënimin me 1 vit e 2 muaj burgim, duke përfituar nga gjykimi i shkurtuar.
Ndërsa për Gazmend Peposhin i cili po gjykohet në mungesë dhe më herët ka mbajtur detyrën e kryetarit të një njësie administrative/kryeplakut, SPAK ka kërkuar dënimin me 1 vit e 8 muaj burgim, gjithashtu me gjykim të shkurtuar.
Kukës/ Të akuzuar për blerje votash për PSD, SPAK kërkon dënimin ndaj dy autorëve
