Gjatë takimit me demokratët në Durrës, Sali Berisha ka folur dhe për borxhin publik që është rritur gjatë qeverisje së Edi Ramës.
Sipas tij borxhi tashmë do të lahet nga ata që ende nuk kanë lindur.
“Jo fëmijët e vegjël, por ata që s’kanë lindur akoma kanë një borxh prej 22 mijë eurosh. Nuk ka gjë më të rëndë se grabitja e të ardhmes së një kombi. Sa u rrit borxhi? Në 2005 ishte 58.4%, në 2013 u rrit deri në 62.6%, sot është në 107%. Ku shkoi ky borxh! U kthe në rroga, në pensione, në spitale. Absolutisht jo, shkoi në kontot e qeveritarëve të klientësh së tij.
Pra miliarda e miliarda u përvetësuan, u shpërdoruar, dhe del e thotë, më thoni kriminel, më thoni ç’të doni, po hajdut mos më thoni se jam 2 metra i gjatë dhe nuk mund të vjedh, se ky qenka kriteri,” është shprehur Berisha.
