Kreu i SPAK, Arben Kraja raportoi sot në Kuvend për veprimtarinë e institucionit që drejton. I pyetur nëse shërben si indicie “non grata” për të hetuar Sali Berishën, ai nuk pranoi që të komentonte. “Kjo është një pyetje që nuk mund të jap përgjigje. E kam të ndaluar me ligj të jap opinion për institucionet e tjera” tha ai.
Kraja raportoi një ditë pas finalizimit të aksionit të koduar “Golden Bullet”, që kulmoi me arrestimin e 18 personave dhe shpalljen në kërkim të dhjetëra të tjerë. Gjatë fjalës së tij në Kuvend, Kraja tha se me paratë e koksifikuar nga aktivitetet kriminale janë ngritur laboratorë eksperimentalë.
“Ne kemi ngritur një laborator të ekspertimeve digjitale me fondet e konfiskuara nga aktiviteti kriminal. Kemi aplikuar, kemi marrë fondin, janë blerë pajisjet. Kemi marrë tre nga ekspertët më të mirë që janë në vend e është bërë eficient në fund të vitit 2021. Janë trajnuar prokurorët e hetuesit e BKH. Për periudhën e fundit kanë kryer 118 akte ekspertimi” tha Kraja.
