Një kontingjent i Forcës së Sigurisë së Kosovës është nisur për pjesëmarrje në Stërvitjen Ndërkombëtare “Combined Resolve 22” në Bazën e ushtrisë Amerikane Hohenfels të Gjermanisë.
Një gjë të tillë e ka bërë të ditur, ministri i Mbrojtjes, Armend Mehaj, përmes një postimi në rrjetin e tij social në Facebook, ku ndër të tjera ka specifikuar faktin se në stërvitjen në fjalë marrin pjesë edhe vendet e NATO-s dhe vendet partnere të udhëhequra nga forcat amerikane.
“Ushtrim është i dizajnuar të simuloj skenarë lufte të pandërprerë dhe zhvillohet me pjesëmarrjen e shumë aseteve të blinduara, asete të xhenios ushtarake, deminimit, zbulimit”, ka shtjelluar më tej Mehaj.
