Në nisje të seancës së sotme plenare, Kuvendi i Shqipërisë me votat e shumicës socialiste rrëzoi kërkesën “urgjente” të iniciuar nga Sali Berisha për mocion me debat me kryeministrin Edi Rama lidhur me deklaratën e këtij të fundit se nëse nuk hapen negociatat në qershor “Tirana do të ndryshojë kurs”.
Pavarësisht insistimit nga Petrit Vasili, pasi Berisha nuk ndodhej në sallë, PS e rrëzoi kërkesën. Kjo është kërkesa e dytë që rrëzohet, pas asaj për gjenocidin në Srebrenicë.
Socialistët kanë deklaruar se cdo nismë që do të ketë firmën e Sali Berishës do të rrëzohet.
