16.5 C
Tirana
-sidi education-spot_img

BE-ja dhe Ballkani Perëndimor miratojnë politikat e përbashkëta

Kryesoret

Përfaqësuesit e shteteve të Ballkanit Perëndimor dhe Turqisë, më 24 maj diskutuan Programet e tyre të Reformës Ekonomike më përfaqësues të shteteve anëtare të Bashkimit Evropian, Komisionit Evropian dhe Bankës Qendrore Evropian, në takimin vjetor të dialogut për politikat ekonomike dhe financiare në Bruksel.

Sipas një njoftimi të Zyrës së BE-së në Kosovë, takimi ka rezultuar në marrëveshjen e përbashkët të gjashtë pikave specifike udhëzuese të politikave ekonomike që do të zbatohen nga partnerët e Ballkanit Perëndimor dhe Turqi gjatë vitit të ardhshëm.

Takimi u përqendrua në sfidat e jashtëzakonshme socio-ekonomike dhe shëndetësore të krijuara nga pandemia COVID-19 dhe ndikimi i luftës së Rusisë kundër Ukrainës.

BE-ja në anën tjetër është zotuar që do të mbështesë shtetet e Ballkanit Perëndimorë në përmbushjen e kritereve të anëtarësimit ekonomik dhe të gjithë pjesëmarrësit e angazhuar për të përshpejtuar tranzicionin e gjelbër dhe digjital.

Takimi i këtij viti shqyrtoi Programin e Reformës Ekonomike të Kosovës për vitin 2022- 2024, ku Kosova u ftua që të llogarisë më kujdes rreziqet ekonomike në kontekstin e pushtimit rus të Ukrainës.

Diskutimet u fokusuan në zbatimin efektiv të reformave strukturore që do të përshpejtojnë rimëkëmbjen ekonomike pas krizës, ndërkohë që do të mbështesin politikën e qëndrueshme makroekonomike dhe fiskale.

Kosova, sipas përfaqësuesve të BE-së duhet të vazhdojë të trajtojë informalitetin në ekonomi dhe konkurrencën e ulët të sektorit privat.

/5pyetjet.al

spot_img
spot_img
spot_img
spot_img
spot_img
- Advertisement -spot_img

Më tepër

- Advertisement -spot_img

Lajmet e fundit