Kryeministri në detyrë i Kosovës, Albin Kurti ka reaguar pas kërcënimit nga “Brigada e Veriut”, e shpallur organizatë terroristë më 2023 nga Qeveria e Kosovës pas tensioneve në katër komunat veriore.
“Ne i kemi shpallur ato organizata terroriste me 29 qershor të vitit 2023, dhe këto kërcënime që bëjnë ata janë veçse dëshmia më e re që janë ashtu siç i kemi shpallur dhe se nuk kanë vend në Republikën e Kosovës.
Të gjithë pjesëtarët e të ashtuquajturës ‘Brigadë Veriore’ janë kriminelë, janë terroristë, të cilët kanë bërë zullum në Kosovë në të kaluarën, por koha e tyre në Republikën tonë ka kaluar. Fatkeqësisht, ata janë të lirë dhe vazhdojnë të kenë ndikim në Beograd”.
Në mesazhin e publikuar nga kjo organizatë thuhet: “Sa të lindë agimi mbi Kosovë, Albin Kurti do të jetë i vdekur”.
Kërcënimet me jetë ndaj Albin Kurtit, reagon policia e Kosovës: Erdhi nga Serbia!
