Ismail Morinaj i arrestuar dje në doganën e Morinës teksa kthehej nga Kosova në Shqipëri është dërguar sot nga drejtoria e policisë Kukës drejt Durrësit.
Gjykata e Durrësit e ka dënuar me 5 muaj burg për armëmbajtje pa leje. Ai ishte në kërkim nga policia dhe për këtë arsye u arrestua për të shlyer dënimin.
Në dëshminë e tij pas arrestimit, “Ballisti” ka thënë se mbante armë pasi ndihej i kërcënuar nga qarqet serbe.
I njohur si Ballist Morina ai u bë i njohur për ngritjen e dronit në Beograd në ndeshjen Serbi-Shqipëri disa vite më parë.