Kryetari i PD-së, Sali Berisha i shoqëruar nga bashkëshortja, Liri kanë bërë homazhe për ish-presidentin Bujar Nishani.
Ish-kreu i shtetit ndërroi jetë ditën e shtunë në Gjermani. Sot dhe nesër do të bëhen homazhe.
Arkëmorti sot u vendos në sallën “Skënderbeu” në Presidencë, ku familjarët do të presin vizita dhe homazhe nga të afërm, miq dhe dashamirës.
Të enjten zhvillohen homazhet zyrtare sipas ceremonialit dhe protokollit të shtetit.
Bujar Nishani lindi më 29 shtator 1966 dhe mandatin presidencial e mori në 24 korrik 2012 dhe e përmbylli më 24 korrik 2017.
Ai ishte presidenti i gjashtë i Shqipërisë.
