Turisti anglez, i cili ra pasditen e së mërkurës nga kati i tretë i një hoteli në Dhërmi, ka ndërruar jetë teksa ishte duke u transportuar për në spitalin e Vlorës.
Ngjarja ndodhi rreth orës 19:40 dhe sipas policisë, turisti anglez, shtetasi me iniciale Z. C., 21 vjeç, dyshohet të ketë qenë në gjendje të dehur.
Menjëherë pas ngjarjes, ai u nis për në spital, por mësohet se ka ndërruar jetë gjatë rrugës. Grupi hetimor ndodhet në vendngjarje dhe po punon për zbardhjen e plotë të rrethanave të ngjarjes.
