SPAK ka sekuestruar anijen “Unistream” në të cilën u kap 50 kg kokainë në portin e Durrësit. Anija “Unistream” ishte me flamur të Antigua Barbuda nga Ishujt Karaibe dhe vinte nga Kolumbia, në të cilën kishte një ngarkesë prej 6500 ton qymyr.
Të paktën deri më tani nuk ka asnjë të ndaluar për këtë sasi kokaine që vinte nga Kolumbia. Ka qenë Task Forca e Durrësit që ka zbuluar kokainën në anijen që sillte qymyr, pasi ishte sinjalizuar më parë.
Anija “Unistream” ka nisur udhëtimin e saj nga porti i Barranquilla në Kolumbi në 26 prill në orën 11:32 dhe ka mbërritur në Portin e Durrësit në 16 maj, pra një ditë më parë në orën 08:32. Kjo është e disata herë që kapet kokainë në portin e Durrësit.
