Presidenti aktual, Ilir Meta ka reaguar pas deklaratave të bëra nga ish kryeministri Sali Berisha sa i takon dekretimit për shfuqizimin e gradës “gjeneral major” për Bajram Begajn në mënyrë që ky i fundit të zgjidhej në krye të shtetit.
Meta tha se e kishte firmosur një dekret të tillë vetëm në zbatim të kushtetutës së vendit.
Ilir Meta: Se çfarë thotë zoti Berisha është e drejtë e tij. Nëse ka ndonjë njeri në këtë tokë më koherent me kushtetutën. Më falni për mungesën e modestisë, por ai është vetëm Ilir Meta.
Ku është e shprehur kjo që firmoset jashtë territorit? Presidenti përgjigjet për zbatimin e kushtetutës së Shqipërisë.
Procedura e ndjekur ka qenë e qartë dhe plotësisht transparente. Procedura e firmosjes së këtij Dekreti është vetëm në zbatim të Kushtetutës.
