Mëngjesin e sotëm është djegur zyra e noterisë në Sarandë në pronësi të Aleko Anagnostit. Noteri është në arrest me burg me afat 45 ditor për tjetërsimin e pronave në Sarandë. Zjarri dyshohet i qëllimshëm për të djegur gjithcka brenda ose një mesazh që të mos flasë.
Ministria e Drejtësisë i pezullon Licencën noterit Aleko Anagnosti në Sarandë i prangosur për skandalin e tjetërsimit të lulishtes me letra të falsifikuar prej 10.230 m2.
Ministria ka nisur një auditim në të gjitha zyrat noteriale të Sarandës për të verifikuar praktikat që lidhen me shit-blerjen e pronave.
Dosja e pronave
Anagnosti është pjesë e dosjes ku janë përfshirë 10 zyrtarë, biznesmenë dhe qytetarë për tjetërsimin e një sipërfaqe prej 10 230 m2 tokë shtetërore në bregdetin e Sarandës përmes një skeme falsifikimi duke ia dhënë dy biznesmenëve të cilët e shndërruan në truall për ndërtimin e një hoteli.
Sipërfaqja ka qenë tokë shtetërore dhe para tjetërsimit ishte lulishte. Në krye të skemës ishte ish-drejtori i Kadastrës së Sarandës, Ardian Kola në kërkim, i cili ka mbajtur detyrën në vitet 2019-2020.
Në kërkim janë edhe dy vëllezërit biznemenë Behar dhe Bedri Muçobega.
