Sonte në 20:45 Shqipëria do të nisë në Islandë fushatën për Ligën e Kombeve. Por kjo sfidë e kuqezinjve nuk do të transmetohet nga RTSH.
Në programacionin e ditës së sotme nuk figuron askund ndeshja e kombëtares së Shqipërisë kundër Islandës, as promot.
Çdo familje shqiptare paguan 100 lekë në muaj për RTSH-në, kanalin kombëtar i transmetimit, por në përzgjedhjet që ka bërë televizioni duket se nuk ka pasur vend për ndeshjet e ekipit kombëtar.
E ndërsa për kuqezinjtë RTSH është treguar dorështrënguar, për Champions League e liroi dorën duke paguar 1.8 milionë euro për të transmetuar një ndeshje në javë.
