Sali Berisha gjatë tryezës së zhvilluar me biznesin e vogël e akuzoi Edi Ramën se është i rreshtuar krah Vladimir Putinit, referuar deklaratës së djeshme të ministrit të Jashtëm Lavrov, që tha se është mbështetës i Ballkanit të Hapur, të cilin opozita shqiptare e kundërshton.
“Digjet Sazani, kreu i qeverisë bredh poshtë e përpjetë me avion në dispozicion. Çdo udhëtim i tij shkon 150 mijë euro minimum. Por një Canader nuk mund ta marrim ne në verë me qira, ta mbajmë për zjarret.
Programin e biznesit të vogël do ta shkruani ju për qeverinë e PD-së. ju ftoj të organizojmë rezistencën e merituar ndaj këtij regjimi që sot është monist. i tillë ekziston vetëm në Bjellorusinë e Lukashenkos. Nuk duhet të kemi asnjë kompleks.
Ai është rreshtuar me Putinin, ne jemi vend anëtar i NATO-s. Dhe pikërisht për këtë nuk duhet të na ndodhin të gjitha këto, duhet të mbrojmë standardet dhe vlerat e vendeve të lirisë” tha ai.
