Qyteti i Fierit u zgjua i tronditur mëngjesin e sotëm nga vrasja e një 65-vjeçari që punonte roje në një serë. Dy persona janë shoqëruar në polici, njëri është roje dhe tjetër çoban.
Petraq Gjika, roja i vrarë me thikë në afërsi të disa serave dhe ku punonte si rojë nuk njihej si njeri problematik në zonë.
“E njihja pak. Kur kaloja këtej i flisja dhe më përshëndeste. E njihja se punonte këtu si roje prej kohësh” shprehet një banor i zonës.
Gjika është sulmuar dhe në 2018 me thike ku u plagos rëndë, megjithatë arriti të shpëtonte.
Autori i sulmit të atëhershëm, Xhevat Bregu u arrestua ndërsa nuk dihet ende nëse ngjarjet kanë lidhje me njëra-tjetrën.
