Në orët e para të ditës së sotme në Fier është gjetur një person i pajetë, që dyshohet se është vrarë. Viktima është Petraq Gjika 67 vjeç, banues në Daullas, i cili ka qenë i punësuar roje te serat.
Rreth orës 06:40 në fshatin Mbrostar Ura në afërsi të serave ai është gjetur pa shenja jete dhe dyshimet e para të policisë janë se është qëlluar me thikë.
Ende nuk dihen rrethanat nëse kemi të bëjmë me një konflikt apo tentativë grabitje. Në vendngjarje ka shkuar grupi hetimor dhe po punohet për zbardhjen e kësaj ngjarje.
