Administratori i kompanisë “Apetit Group” Arben Ferizi që u arrestua pas sekuestrimit të kokainës brenda kontejnerit me mish që erdhi nga Brazili ka mohuar dijeninë lidhur me pakot që u gjendën brenda.
“Kompania ka vite që merret me prodhimin e salsiçeve. Kompania që administroj është e suksesshme dhe nuk ka nevojë që të implikohet në trafik droge. Nuk kam dijeni për praninë e drogës në kontejner. Veprimet, porosia dhe blerja e mishit bëhet online” tha ai pas arrestimit.
Edhe agjenti doganor i ka mohuar akuzat. “
Kontejneri erdhi trazit nga Brazili, kaloi nga Gjermania dhe Greqia më pas erdhi në Durrës me distinacion final Maqedoninë. 45.5 kg kokainë u zbulua pas kontrollit në Durrës nisur nga sinjalizimi i partnerëve.
“Kompania ka vite që merret me prodhimin e salçiçeve dhe është e suksesshme. Nuk ka nevojë të implikohet në trafikimin e drogës. Ne si kompani nuk kemi asnjë lidhje dhe nuk kemi dijeni për praninë e lëndës narkotike në kontejner”, ka deklaruar Ferizi.
Kurse, agjenti doganor Egert Vargu është shprehur se puna e tij është të bëjë procedura zhdoganimi ndërsa ka theksuar se nuk merret me kontrollin e kontejnerëve.
“Nuk është puna ime. Puna ime është të merrem me dokumentacionin.”
Kontejneri ku ndodhej lënda narkotike ishte i mbushur me mish pule. Si rezultat i kontrollit të kryer, në brendësi të ngarkesës me mish pule u gjetën 40 pako me lëndë të dyshuar narkotike kokainë, me peshë 45 kg e 500 gramë.
